影片
更多
2022-01-01
292 浏览
🍴贺天 Ga Ten Japanese Restaurant📍将军澳唐俊街28号海天晋汇1楼104-105号舖之前喺海天晋汇商场已经试过一啲新餐厅，今次继续发掘美食，去咗呢间新开嘅日本餐厅，店内装潢用上浅木系日式风格，感觉清雅。餐厅主打各式日本料理和寿司刺身，迎接新一年，一于食得丰盛啲！.🐟 特上剌身盛 $328配面豉汤、珍珠米白饭、土佐豆腐、沙律、甜品✧刺身摆盘精美，有三文鱼、吞拿鱼上腩、油甘鱼、金目鲷、赤牡丹虾及活赤贝。刺身非常厚切新鲜，入口鲜美。吞拿鱼上腩肥美富鱼油脂香，有入口即融嘅感觉，金目鲷肉质鲜嫩结实，活赤贝口感爽脆。✧配菜土佐豆腐表面沾上木鱼碎，炸得外酥内软，配上微甜酱汁及辣萝卜蓉，简单食材做出美味！面豉汤加入大蚬多一份鲜味。.🍸 碎葱吞拿鱼腩杯饭 +$58(套餐加配)杯饭卖相小巧精致，碎葱吞拿鱼腩份量足，入口软嫩无筋。.🗻 壹玖叁 +$48(套餐加配)紫蓝色嘅蝶豆花茶配上奶盖，再加上富士山造型啫喱，味道甜润，卖相好靓啱晒打卡。.🍣 厨师发板精选时令六本寿司 • 矶煮鲍鱼杯饭 $288配厨师发板小卷三本、日式前菜、面鼓汤、甜品✧六本寿司有火炙吞拿鱼腩寿司、池鱼寿司、甘海
📍将军澳唐俊街28号海天晋汇1楼104-105号舖
之前喺海天晋汇商场已经试过一啲新餐厅，今次继续发掘美食，去咗呢间新开嘅日本餐厅，店内装潢用上浅木系日式风格，感觉清雅。餐厅主打各式日本料理和寿司刺身，迎接新一年，一于食得丰盛啲！
.
🐟 特上剌身盛 $328
配面豉汤、珍珠米白饭、土佐豆腐、沙律、甜品
✧刺身摆盘精美，有三文鱼、吞拿鱼上腩、油甘鱼、金目鲷、赤牡丹虾及活赤贝。刺身非常厚切新鲜，入口鲜美。吞拿鱼上腩肥美富鱼油脂香，有入口即融嘅感觉，金目鲷肉质鲜嫩结实，活赤贝口感爽脆。
✧配菜土佐豆腐表面沾上木鱼碎，炸得外酥内软，配上微甜酱汁及辣萝卜蓉，简单食材做出美味！面豉汤加入大蚬多一份鲜味。
.
🍸 碎葱吞拿鱼腩杯饭 +$58(套餐加配)
杯饭卖相小巧精致，碎葱吞拿鱼腩份量足，入口软嫩无筋。
.
🗻 壹玖叁 +$48(套餐加配)
紫蓝色嘅蝶豆花茶配上奶盖，再加上富士山造型啫喱，味道甜润，卖相好靓啱晒打卡。
.
🍣 厨师发板精选时令六本寿司 • 矶煮鲍鱼杯饭 $288
配厨师发板小卷三本、日式前菜、面鼓汤、甜品
✧六本寿司有火炙吞拿鱼腩寿司、池鱼寿司、甘海老寿司、带子寿司、黄金松叶蟹肉寿司及海胆寿司，小卷三本系吞拿鱼腩。吞拿鱼腩经火炙，鱼油更加甘香丰腴，池鱼肉质爽口带脂香，黄金松叶蟹肉伴入蛋黄醋更捉升蟹味，六本寿司各有风味！
✧矶煮鲍鱼杯饭
矶煮鲍鱼口感Q弹，配上蟹膏更鲜味浓郁。
.
🍙 贺天招牌卷 +$48(套餐加配)
鳗鱼卷物包住玉子、牛油果、蟹柳及蟹籽，口感丰富。
.
🍢 柚子烧日本黑豚肉 $68 • 蒲烧白鳝 $68
点咗两款串烧，烧日本黑豚肉油脂均匀，肉质油润爽弹带柚子清香，蒲烧白鳝外皮微微焦香，肉质爽滑。
.
🐥 七味鸡软骨 $48
鸡软骨炸得香脆好有咬口，唔会有油腻感，蘸埋七味粉沙律酱，香口滋味食唔停口。
.
🥚 玉子寿司 $12
见到menu张相完全唔似食开嘅玉子寿司，所以试吓。玉子系用焗嘅做法，中间夹饭，卖相、味道及口感都好似蛋糕，几特别！
.
总括而言：餐厅空间宽敞，用餐环境舒适，有普通座位、omakase吧枱、榻榻米和室，仲有露台座位可以带宠物ฅ^•ᴥ•^ฅ一齐食嘢。食材新鲜高质，卖相同味道都相当不错。整体食物、环境及服务都令人满意，系庆祝及聚餐嘅好选择(●'◡'●)ﾉ
张贴
