鱻88日本料理 (已結業)

同朋友仔嚟到佐敦觅食，𠮶日落住大雨，由地铁站一直行其实就唔系好远嘅，嚟到餐厅门口有啲狼狈，店员即刻出嚟帮我地将把遮修好，再安排我哋上去坐低，期间都非常有礼貌，而且面带笑容，所以我哋第一印象都觉得几好！入到黎见到环境好阔落，装修好靓，而且都几有情调，座位好舒服仲有cushion可以揽!最近爱上左食金目鲷，佢系属于比较淡味嘅刺身，但食到最后又会有一种好香嘅鲜味，配埋柚子汁食就最夹！珍宝帆立贝够晒大只，鲜味十足！牡丹虾都非常鲜甜，食得出餐厅对食物质素有要求！再嚟一个软壳蟹牛油果沙律，不得不赞呢个汁好好食，唔似出边咁样落现成酱汁。天妇罗粉薄够脆口，只大虾甜甜地好好味呢一个鳗鱼饭可以加茶做泡饭，啱晒冻冻地嘅天气，鳗鱼炭烧到窿窿地，非常香口，配埋蛋丝同珍珠米，加上少少紫菜葱花一齐食，一试难忘！之后仲有豆腐雪糕配手炒黑糖， 呢个雪糕豆腐味超级浓！配埋黑糖浆，感觉有啲似食紧冲绳豆腐👍🏻走嘅时候店员都记得主动攞返把遮俾我哋，食嘢期间嘅服务都非常好，我同朋友仔都食得好开心，一定会再嚟！