北海道爐端燒 (已結業)

早几日同朋友向尖沙咀行街，去左亚士厘道揾餐厅食，揾到呢间炉端烧日式餐厅，因为我好钟意啲日风装潢嘅餐厅，就决定去呢度食。入到去，我地拣左除鞋走上地台嘅座位，感受一下日风 😍我地向餐牌拣左几款嘢食，餐牌入面图文并茂，我地都拣左好耐，样样都想食，特别系见到图𠮶啲更加吸引。最先上菜嘅系明太子蛋卷同埋鸡泡鱼干，热腾腾嘅鸡泡鱼干，食落有口感得来又软软的，用来送酒应该好正。个蛋卷都唔差，厚厚嘅蛋卷夹住啲明太子，啲蛋一入口就溶化左🤤。然后啲嘢食都好快黎埋，甲罗烧虽然细份但啲蟹肉蟹膏好丰富好浓味，成个蟹壳都系。向串烧餐牌见到好多款拣唔落，见到个串烧拼盘就问店员有啲咩，佢就话厨师决定，唔系样样都餐牌入面有，所以照叫，点知味道同卖相都唔差👍！最后仲有就系稻草烤安格斯牛排，去日本餐厅食安格斯虽然怪怪，但见餐厅推介有个稻草烧系列，不过烧得真系唔差，岩岩好唔会太熟，点埋个酱汁劲好味！