渡邊屋

营业中

休息中

今日去九龙城买潮州食品，经过依间日本料理嘅渡边屋，在门外觉得款式都几特别，一于入去品尝下啦～三文鱼腩寿司、火炙海胆纹甲寿司摆盘吸引，睇见都想食。三文鱼腩油脂多，入口即化，鲜甜嫩滑，超钟意食三文鱼嘅我，绝对要再encore啦！呢款比较特色嘅火炙海胆纹甲寿司，上面舖咗海胆，幼滑新鲜，纹甲咬落爽口，全部材料一齐食，口感非常丰富。日本马粪海胆军舰色泽鲜明嘅马粪海胆，味道浓厚甘甜，入口融化，食落口非常新鲜，值得推介嘅军舰。真鳕鱼白子新鲜嘅鳕鱼白子，初次品尝既我，口感绵密柔滑，入口即融，味道较为浓郁，好特色嘅日本料理。