影片
更多
2023-02-17
89 浏览
作为深度生蚝爱好者，一直都好想揾啲抵食又好食既生蚝放题，估唔到系中环就有一间，而且地点一啲都唔难揾！呢间餐厅提供两款生蚝放题套餐，可以选择60分钟 ($398/1位)或90分钟 ($498/1位)，我地就拣左90分钟既套餐，呢个价钱主要包括任食日本北木岛直送既生蚝、仲有铁板烧蚝同烧帆立贝，另外仲有好多款串烧、小食、乌冬同茶渍饭可以选择。一坐低无几耐，餐厅就会送上一份九宫格前菜拼盘 (喜多嬉九品)，而且系每个客人都会有。先唔讲味道，净系卖相都已经觉得好吸引，超级适合打卡。小菜分别有以下几款:🎈日式渍物🎈时令沙律🎈天妇罗秋葵🎈手工月见烧鸟丸🎈喜多嬉牡蛎刺身🎈日本直送象拔邦刺身 🎈喜多嬉牡蛎茶渍饭 🎈二色烧活白鳗🎈天妇罗紫苏叶吞拿鱼蓉值得一赞既系呢个喜多嬉九品既小菜系会因应时令供应，而且各有特色，味道亦都好好。当中有一啲款式仲要系任食，所以食完系可以不停再叫。跟住就到最令人期待既任食item啦:🦪牡蛎刺身每一只牡蛎既质素都好高，非常厚身同饱满，食落口觉得好creamy同时亦都好清甜，加埋土佐醋啫喱，柚子酸汁、萝卜蓉同埋葱花配搭埋一齐，就更加突显到牡蛎本身既鲜味，令人忍唔住一只接住一只咁食。铁
呢间餐厅提供两款生蚝放题套餐，可以选择60分钟 ($398/1位)或90分钟 ($498/1位)，我地就拣左90分钟既套餐，呢个价钱主要包括任食日本北木岛直送既生蚝、仲有铁板烧蚝同烧帆立贝，另外仲有好多款串烧、小食、乌冬同茶渍饭可以选择。
一坐低无几耐，餐厅就会送上一份九宫格前菜拼盘 (喜多嬉九品)，而且系每个客人都会有。先唔讲味道，净系卖相都已经觉得好吸引，超级适合打卡。小菜分别有以下几款:
🎈日式渍物
🎈时令沙律
🎈天妇罗秋葵
🎈手工月见烧鸟丸
🎈喜多嬉牡蛎刺身
🎈日本直送象拔邦刺身
🎈喜多嬉牡蛎茶渍饭
🎈二色烧活白鳗
🎈天妇罗紫苏叶吞拿鱼蓉
值得一赞既系呢个喜多嬉九品既小菜系会因应时令供应，而且各有特色，味道亦都好好。当中有一啲款式仲要系任食，所以食完系可以不停再叫。
跟住就到最令人期待既任食item啦:
🦪牡蛎刺身
每一只牡蛎既质素都好高，非常厚身同饱满，食落口觉得好creamy同时亦都好清甜，加埋土佐醋啫喱，柚子酸汁、萝卜蓉同埋葱花配搭埋一齐，就更加突显到牡蛎本身既鲜味，令人忍唔住一只接住一只咁食。
铁板烧 牡蛎/帆立贝:
经过铁板烤过既牡蛎同帆立贝都同样出色，而且有另一番风味。牡蛎烧完都唔会好缩水，仍然可以大大啖咁食。除左原味之外，亦都可以根据个人口味加唔同既酱料，包括有麻辣酱，辣椒油，同埋经过调味蒜蓉。
🍢另外仲有各款串烧、小食、乌冬同茶渍饭🍜:
烧鸟大腿肉串 | 烧味醂鱼干 | 烧墨鱼仔串 |
烧鸟七里香串 | 烧猪颈肉串 | 烧蕃薯仔串 |
烧羊肉串 | 烧秋葵串 | 牡蛎五岛手延汤乌冬 |
喜多嬉牡蛎茶渍饭
饮品除左有罐装汽水之外，仲有几款自家制嘅冷泡茶，例如有茉莉薰花茶，白桃乌龙茶等等，每款都好有特色。
张贴
