御石燒 (已結業)

早前去日本旅行食左吉列牛觉得好好味，所以返到香港后又想再食啦！当日行过旺角，见到呢间石烧牛就入左去试下啦。上网睇返呢间店系最近新开架。店舖都几宽阔，坐得都几舒服。枱上面有个牌会教你点样烧吉列牛，而落单既方式就系扫QR CODE。我同朋友分别叫左御烧特级牛小排同埋御烧极上级黑松露吉列牛，我就另外加左钱升级紫菜味素饭+流心蛋+面豉汤。 如果唔食牛既话， 仲有吉列猪排同鳗鱼可以拣。🟠御烧特级牛小排石烧上面会有旧猪油俾你，用猪油烧可以更多香口。一上到黎见到份量好多，牛小排少筋，所以都几易咬开，大家可以按钟意既熟度去烧。🟣御烧极上级黑松露吉列牛牛肉外层炸粉加左黑松露后好香浓，牛肉味嫩口，油脂分怖平均，而牛肉比牛小排厚身，食落去啖啖肉。调味酱料甜甜地，沾上牛肉后更加香口。如果想一解日本吉列牛瘾既，可以黎一试！