鮨處松戶 (彩星集團大廈)

营业中

休息中

二月最尾一日决定食好啲，喺公司附近食鮨处松户。一入去就见到啲房，喺要除鞋入去㗎，真系好有风味。我哋坐喺流水摆设隔离，都好似去咗日本咁。松户特制中卷卖相好靓，上面系三文鱼子同吞拿鱼蓉，紫菜同饭入面包咗鲜带子同紫苏叶，食落好清新。鮨处松户海鲜沙律沙律好有惊喜，上面铺满咗炸物嘅面衣，沙律菜好新鲜，仲有三文鱼子、角切嘅带子、吞拿鱼、油甘鱼、三文鱼，口感即刻丰富咗好多，佢嘅汁唔会太酸，同沙律菜好夹，大家都一定要试吓。和风汁左口鱼薄切左口鱼超新鲜，食落爽口弹牙，同裙边好唔同。和风汁带啲酸，同个刺身好夹。日式炸鸡炸鸡份量都几多，唔系好多炸粉𠮶种炸鸡，咬落外脆内热，啲鸡肉都几嫩滑。蒜片炒鸡肾好香牛油味，鸡肾唔会太咸，咬落够爽口。朋友中意食蒜片，话炒得好香口。明太子蛋卷卖相好靓，木鱼干喺幼条嘅，口感好过平时𠮶啲大大块嘅。蛋卷入面有好多明太子，仲有少少明太子嘅辣，好好食。明太子芦笋炒饭金黄色炒饭配橙红色明太子同埋绿色芦笋粒真系好吸引。喺炒饭粒粒分明，都系有少少明太子本身有嘅辣，越食越想食，最后忍唔住食咗好多。个人认为呢间餐厅各方面都好得体，啱晒特别日子庆祝，或者请朋友食饭。