鮨政 (已結業)

香港仔嘅食肆好多，日本餐厅都唔少，但系呢一间系个人认为最高质嘅日本餐厅。舖面唔算好大，但系都几多位，重点系有得坐bar枱，望住日本人师傅整寿司。我地嗌咗个寿司拼盘(上) ($300)，有油甘鱼腩、吞拿鱼腩、大吞拿鱼腩、玉子、三文鱼腩、鲭鱼、左口鱼、池鱼、深海池鱼、熟虾、三文鱼子、吞拿鱼蓉、三文鱼细卷六件。一共有18件寿司，真系件件都好好食。所有鱼生都好新鲜，份量啱啱好。个人最钟意佢嘅大吞拿鱼腩，真系超级肥美。另外我哋仲嗌咗个杂锦天妇罗，一共有三只天妇罗虾同埋天妇罗冬菇、南瓜、茄子。佢嘅天妇罗虾同一般嘅日本餐厅好唔同，因为佢入边嘅虾好新鲜好大只，所以好有口感同弹性，同一般嘅冻虾有好大分别。大家如果嚟食嘅话，一定要试吓佢嘅天妇罗虾。最后我哋仲嗌咗个三文鱼牛油果卷，一共有三件。冇谂过铺系卷物上面嘅居然系三文鱼腩，夹埋啲牛油果同埋青瓜一齐食，真系好正。希望下次可以试埋其他菜式啦。