千両 (九龍酒店) (已結業)

今日再次嚟到我同老婆最爱嘅日本餐厅，顺便用埋$100会员coupon。千両嘅午市套餐CP值真系超高，食物亦非常有质素保证，环境亦十分宽敞舒适，我哋差唔多每个月都会至少嚟一次！我哋叫咗个刺身套餐、寿司牛肉乌冬套餐同一客三文鱼腩寿司。哩度嘅刺身全部都好新鲜清甜，特别钟意带子、鲍鱼同吞拿鱼腩。鲍鱼鲜味十足，口感弹牙，但一啲都唔靭。吞拿鱼腩超肥美，有入口即化嘅感觉。佢个饭加上甜蛋丝同鱼籽都劲好食，味道香甜，珍珠米弹牙，加上豉油，甜甜咸咸咁十分开胃。佢哋嘅三文鱼腩寿司亦系我同老婆每次必叫嘅，鱼油味好香，亦有入口即化嘅感觉，食𠮶一刻真系有感动嘅感觉，超正！会一直帮衬！