花木日本料理 (已結業)

上年黎食过，超好味，上星期系尖沙咀行街时男朋友又提议黎食～今次就叫左啲未食过的，尝试下啲新野。三文鱼&真鲷刺身呢两款4切刺身好厚身而且好新鲜，三文鱼食就食得多，肉质软腍又鲜甜，而真鲷就更加少系其他日式餐厅食到，当然值得一试。呢款刺身比三文鱼更加嫩滑，而且鲜味更出。特选寿司拼盘（10本）卖相相当精美，而且每一件都好少见，唔同种类新鲜鱼生、海胆、帆立贝等等。呢到嘅寿司饭睇落都特别唔同，饭粒唔系白色而系有淡淡嘅醋色，食落口感更有黏性。枝豆相当健康又有营养嘅枝豆，一盆份量几足，入口清新而且香甜，可以好好refresh 一下。冲绳苦瓜炒豚肉呢道菜炒得好香好够火喉，苦瓜苦得黎又好甘香，搭上嫩滑嘅豚肉同香滑嘅鸡蛋，好惹味。日本和牛炒饭和牛好厚身，肉质鲜嫩，牛肉味好出，渗透晒系d饭到，超入味。推介！第二次食一样咁满意。空间宽敞服务又好，值得再黎！