鮨心 (已搬遷) 新店位置

约咗朋友去旺角食嘢，朋友话想食日本菜，真系头都痕好彩旺角都有啲高质素嘅日本菜，环境都几舒适，餐牌简单设计感觉高级。拣咗几样野过下口瘾，始终日本菜唔平，都唔敢叫太多嘢食，用食个放题嘅价钱叫啲高级日本野都OK。香葱碎金仓鱼腩手卷$98呢个手卷嘅外皮紫菜非常香脆，而且金仓鱼分量十足，好多珍珠米包围，香葱亦都一粒粒非常之碎，令到全部味道都好浓郁好香。海鲜丼$288包含咗好多款海鲜，一个人食都会好丰富，因为佢啲饭嘅份量唔系太多，但系海鲜有好多，无论贵价同埋平价都一样有，最主要就系啲刺身全部好新鲜，同一款唔会太多，试到好多款口味。最钟意食嘅就系海胆同埋甜虾，新鲜度不得了！啲饭都系暖暖地，好match。陶板烧金菇牛肉卷$148贪得意叫个金菇牛肉卷，价钱平，但系个酱汁真系好特别，个味道超级吸引，真系要自己试过先知！同埋个金菇好爽口，完全好容易咬又唔会痴牙，牛肉卷亦都好高质素，好滑脂肪分布均匀。