夢の丼 (已結業)

今日同朋友庆祝生日，嚟咗依间餐厅食日菜。本身以为佢只系普通野点知又好高质，性价比好高。首先每人有个沙律同面鼓汤。个面鼓汤竟然有几粒蚬肉，有d意外。蟹黄酱蟹膏豆腐超！好！食！个人觉得系其中一个best dish of tonight. 个豆腐好软滑，蟹膏酱个味道好浓，感觉好似系注入咗落豆腐入面咁，味道浓郁，入口有化开嘅感觉。塔斯曼尼亚生蚝、深海池鱼两款刺身都好新鲜，其中生蚝好肥美，海水味唔系好浓丼饭方面，我地点咗个梦之丼同花锦鱼生丼超多鱼生，足料！有三文鱼蓉、三文鱼子、帆立贝、牡丹虾、海胆、松叶蟹、右口鱼边。其中嘅帆立贝超大粒，而且非常鲜甜。右口鱼都几好食，用咗炙烧方法整，入口即溶。仲配埋橙汁用嚟扫鱼生，都几特别。另外好欣赏佢个寿司饭系用咗赤醋饭，食落仲有d紫苏叶味，好有心思。朋友点嘅花锦鱼生丼。虽然睇落冇幅图咁d鱼生叠到咁高，但份量都多嘅，主要以角切鱼生为主，一个女仔食有d吃力。右口鱼边寿司鱼生饭用咗赤醋，炙烧右口鱼边好滑同香口，上面落咗d木鱼碎，几好食。柔煮鲍鱼本身以为佢点都会硬硬地，但佢整到好软熟。点埋个绿色嘅鲍鱼肝酱，有少少芝士味。整体唔错，朋友食得开心。