Go Dutch Cafe

营业中

休息中

揾左旺角一间评价唔错餐厅同朋友仔倾计聚旧，位于登打士广场10楼，餐厅气氛同其他楼层好唔同，装修比一般楼上餐厅用心，座位舒适气氛唔错。餐牌有三个，食物种类多，特别嘅有班尼迪、串烧、窝夫、汉堡等等。特浓龙虾汁海鲜意粉 — 海鲜包括蚬肉、虾、青口，青口大大只好肉地，虾好弹牙，蚬肉好鲜味！我好欣赏龙虾汁！非常香浓，比较幼嘅意粉好挂龙虾汁，和味无穷！香草忌廉烟三文鱼意粉—忌廉汁好浓厚，好香香草味，厚厚嘅烟三文鱼砌成玫瑰花，影相又好睇又好食。杂锦串烧—有两串猪一串牛。牛系牛柳粒，猪系猪颈肉，非常美味，一啲都唔鞋！配搭左孜然粉同辣椒粉，串烧间住洋葱、红椒、青椒，清甜解油腻。