喜惶點心專門店

营业中

休息中

今次嚟到一间旺角嘅饮茶小店，店舖总共有两层，装修非常简单，如果人多嘅话都未必坐得晒！入到去叫咗一壶铁观音，茶嘅味道偏淡。另外，最重要嘅卫生情况，都算唔错！而服务人员都非常之有礼貌👍🏻我知道呢度最出名系食牛肉嘅点心，而呢度老板都系食牛肉食到大，所以今次嚟到点都要试一试呢度嘅牛肉点心！而呢到嘅点心款式唔算太多，最基本嘅都有齐，亦有啲比较新式嘅点心。首先要介绍一下佢哋嘅牛肉烧卖，好坦白讲，有少少失望，虽然我本身唔系一个牛肉爱好者，但食落都唔系太有牛味，要点一点啲喼汁先好食！另外个蒜香南瓜蒸排骨都好够味！啲猪肉都食唔到有雪味🤩呢一到嘅葱花炸两肠粉非常好食😋 个炸两非常之脆，有少少芝麻、甜酱同豉油配合埋一齐真系香口，我建议大家一定要点呢个！上网睇到有好多人都话一定要着呢个竹炭熔岩流奶皇包，奶黄唔会太甜亦都会流出黎👍🏻 另外佢地个小笼包唔会蒸到干晒，咬落去仲有好多肉汁。 最后，今次试埋个龙仔荷叶北菇蒸鸡饭，鸡都算滑，而底下啲饭都吸晒啲精华，食落好香！总括来讲，呢度啲点心算高质，而且价钱都比较亲民，我下次都应该会约埋班朋友一齐嚟，大家都可以过嚟试一试！