M3 Italian (已結業)

朋友约我食晚餐，佢话想试下呢间餐厅，于是就陪佢黎食啦~黑色既门面，俾人感觉几神秘，我地6点几去到，已经有d人系出面睇餐牌，好彩都仲有位😆好中意餐枱上面块红白格仔枱布，好靓好外国feel~哈哈，好聪明既design，个樽可以分别倒出橄榄油同黑醋👍🏻会有一个餐牌特别写上厨师推介，都几吸引~叫主菜就可以加$60要一个是日餐汤同自选甜品，我地就加左一个share今日既餐汤系甘笋汤，甘笋味超级浓郁，口感好creamy。而餐包都几松软，点汤食一流~小食拼盘：有辣味薯角、炸虾同鸡翼。炸虾嘅炸粉唔会好后，而且虾肉爽口弹牙，唔会觉得油腻。薯角唔会好辣，反而好香薯味。鸡翼肉质几滑，好重香料味，唔错。焗阿拉斯加长脚蟹意大利饭，卖相好靓，意大利饭煮得岩岩好，味道好浓郁😋西班牙烧乳猪配薯蓉及红椰菜，乳猪烧到脆卜卜，d肉都几嫩滑，薯蓉好creamy，红椰菜酸酸地去除乳猪的油腻感蛋黄慕丝配白酒杂莓啫喱红桑子汁，摆盘好靓😍，上面层慕丝好软滑，而下层既白酒啫喱都几重白酒味，好香。配埋酸酸甜甜既红桑子汁，感觉好清新。整体来说，食物质素好好，而且环境同气氛唔错，好适合与朋友聚会。