禮 (天光道) (已結業)

装修采用日式风格，仲挂住大大个月球好吸睛，营造出喺月光下面享用美食嘅悠然情境，感觉浪漫温馨。蟹羔玉子烧 ($88)金黄嘅蛋皮包住满满嘅蟹膏，味道香甜咸鲜，口感湿润，松软柔滑，味道口感一流！妈妈咸蛋猪肉棒 ($48)猪肉棒肉质嫩滑，充满油脂香同咸香，油而不腻口，齿颊留香。脆皮风鳝 ($88)鳝肉烧到金黄色，鱼皮脆卜卜，肉质松脆香软、入口弹牙而无骨，令人回味无穷。 黑松露A6和牛三文治 ($368)金黄香脆嘅面包夹住粉嫩嘅和牛，再加埋黑松露同金箔点缀，好吸引！和牛柔软香滑，肥嫩多汁，油香丰富，入口即溶，加埋黑松露香，令人回味无穷！兵库县室津生蚝 ($58/只)肉质肥厚饱满，入口啖啖肉，蚝味澎湃亦带有阵阵嘅海水味，口感爽滑。礼 八贯手握寿司盛 ($368)质素相当优质，款款新鲜鲜甜，食得满足！带子大粒又厚肉，软绵鲜甜，清新可口。海胆份量多又肥大，仲好清楚睇到每一瓣海胆嘅纹理，质感细腻，入口即溶。