Say Cheese (將軍澳中心) (已結業)

say cheese我成日帮衬~坐得舒服野食又正!炸鱿鱼圈&洋葱圈鱿鱼圈好弹牙又炸得香脆，洋葱圈亦都好出色，炸浆唔会太厚，有炸物既香口又食到食材既味道，配埋他他酱真系好开胃好夹！火焰Carbonara意粉整好后系会加入一整个芝士入面搞拌，所以系劲creamy同重芝士味，同时本身佢既carbonara source都好够味而烟肉同洋葱比例岩岩好，意粉亦整得好有咬口，好满足既一个意粉！All Day Breakfast有多士，烟肉，纽伦堡肠，薯饼，茄汁豆蘑菇，炒蛋同埋沙律，好足料而多士跟埋既士多啤梨果酱好好食，酸酸甜甜好开胃。肠都煎得好香唔似一般超市买到既罐头肠！炒蛋份量多而超浓蛋味。钟意食all day breakfast既必嗌！最后叫咗五重朱古力多士再加movenpick雪糕，多士用咗好多cream去固定，焗到好脆而加埋朱古力浆好有溶化既感觉，作为甜品好完美！