佐賀燒肉谷 (創紀之城五期(apm))

营业中

休息中

8月新开张嘅佐贺烧肉谷100分钟烧肉放题，日系装修，感觉好柔告舒适，而且环境比较阔落唔会好迫，非常多卡位之余二人卡位真系好阔好够位摆野，而且佐贺烧肉谷十分贴心，有埋围裙俾你用，唔怕整污糟件衫。开张果阵一个星期左右已经食左一次，今次再同朋友一齐黎食多次😋。今次我地拣左LEVEL 3，手机扫QR CODE落单非常方便，一埋位你未落单，店舖职员都已经会比个头盘你，不嬲劲食嘅我真系觉得一分钟都冇浪费🤣🤣，头盘一黎已经有多款肉品，青口﹑带子﹑牛肋肉﹑牛舌牛颈脊等，当然唔少得佢地的招牌：烟熏壶渍封门柳。因为条封门柳真系好长，职员仲好细心咁教我地要U字型咁摆封门柳上去烧，烧完再剪，真系好细心。原只鱿鱼🦑真系好少有，当然佢去左条骨啦，原只鱿鱼🦑咁烧真系第一次，十分开心，烧紧果阵条鱿鱼胀卜卜，望落去十分饱满🤣🤣，当然唔少得海老啦🦐🦐🦐🦐，海老都算几大只，都ok爽口，无梅味，不过无我第一次黎食果阵咁爽口，但质素都仲系算系高质的唷！由于餐厅都仲算新，环境都好干净，抽气都做得几好，至少食完都唔会觉得自己个身好大阵味，而且职员服务都好好，佢地见你个烧网黑晒，都会主动话帮你换网。会再encore唷！