海南少爺 (已結業)

疫情之下好多餐厅都主力转做外卖生意，今日经过海港城见到呢间「海南少爷」，外卖有八折，有六款外卖菜式选择全只招牌海南鸡配油饭及鸡汤海南鸡肉质嫩滑，外皮爽口而不油腻，肥瘦适中，鸡皮与鸡肉中间会揾到一层啫喱状嘅胶原蛋白，配上专用三色酱，个人最钟意配辣椒酱，酸酸辣辣好开胃，同海南鸡最夹。鸡汤非常清和鲜味，又返有鸡油香味又唔会滴油。印尼炒饭配沙嗲串烧印尼炒饭好香，配料丰富，有三只大虾🍤，鸡胸肉，芽菜，洋葱，红椒，青瓜等，将蛋黄笃穿，捞埋饭一齐食非常夹，配埋红椒青瓜，爽口之余又平衡炒饭嘅油腻感；沙嗲串烧鸡肉好惹味，沙嗲酱有少少香辣，烧得好香炒贵刁好似中式嘅干炒牛河但系用马来西亚方式同酱汁去炒，好香好惹味，配料丰富，河粉炒起上嚟又唔会好油腻上汤浸菜心菜心翠绿嫩口，味道清淡，可以平衡食咗咁多油腻食物整体来讲，落单到出餐速度快，食物质素不错，分量丰富，如果到时开返堂食可以试更多款式，亦都可以望住个海景食饭