Chilli Lime (MONTEREY Place)

营业中

休息中

一入呢间店，好有东南亚风情，有普通座位同卡座，今日坐到卡座，行上一级坐上去，好似包厢咁！可以同同事边食边倾，好舒服。店员好亲切，我哋问d菜式辣唔辣，仔细解答，我哋嘅想要热水，佢就比够壶我哋。我最钟意呢道一盏盏吊落嚟嘅波波灯，好有格调同气氛。蟹肉鱼肚羮$118分量十足，有成4大碗，好多蟹肉，蟹肉鲜甜，重好多鱼肚，正！👍炭烧猪颈肉 个猪颈肉烤得好香，肉质滑，一啲都唔韧，点埋个汁食，味道有提升一层。马拉盏通菜 通菜新鲜又爽口，加埋马拉盏炒，香辣有惹味。香蕉叶三巴鱼呢度菜式好特别，鱼肉够滑，外层煎到卜卜脆，酱汁好特别，夹埋一齐食，都几好味！越式软壳蟹米纸卷软壳蟹炸得香脆，加入蟹籽、生菜、同紫苏叶包埋一齐食，减低左油腻感，酱汁特别，用Wasabi同蟹籽，味道清新。芒果糯米饭卖相好靓，果肉香甜，有三款糯米饭，分别系芋头、普通糯米同黑糯米，食落烟烟韧韧，仲有椰汁嘅香同甜，令人食唔停口。