巴剎雞飯 (已結業)

西营盘不嬲都美食多箩箩，巴刹鸡饭招牌细细，但系开展左我嘅东马拉美食之旅，选择唔多唔少，但样样都系高质之选🐓🥟🍢巴刹鸡饭系招牌之选，当然要试吓啦。鸡饭一上枱已经好吸引，鸡肉又嫩又滑，配埋佢独家嘅酱汁，酸酸甜甜超开胃，又带出鸡肉嘅鲜味，油饭粒粒分明，啖啖鸡油香，但又唔会太油腻👍🏻👍🏻👍🏻唔讲唔知，原来系皮蛋饺系东马拉嘅特色菜，老板话每只皮蛋饺都系佢每日亲手制作。酥炸皮蛋饺超惊喜🥰，每只饺子都用料十足胀卜卜，一咬落去已经食到肉嘅新鲜，而中间嘅皮蛋增加咗饺子嘅香味，饺子皮炸到超松脆威化，真系食唔停🤤🤤，我都系第一次食到咁高质嘅炸饺子🥟。好彩有得试埋佢嘅汤饺，饺子皮超滑，皮蛋喺汤饺入面发挥画龙点睛之效，令到饺子超鲜味🤤🤤串烧都系诚意十足，串烧可以拣猪/牛/鸡，我就试咗猪肉串烧，肉质嫩滑多汁，味道校得啱啱好，又香又惹味，配上老板亲手整嘅沙嗲酱，令到串烧又上一个层次🤤🤤今次真系大饱口福，嘢食有特色又够高质👍🏻。老板店主都好友善，老板仲介绍埋佢亲手炒嘅香脆胡椒粒，口感脆卜卜之余胡椒味超突出，又last得耐，加落去啲饭同面仲可以提升鲜味，不过净系得堂食有供应。老板话迟啲仲有独家新品推出，真系要带埋朋友一