Cobber Coffee and Tonys Pastry (裝修中)

之前同事介绍过呢间餐厅话个梳乎厘pancake好好食，虽然自己本身对呢款食物冇乜兴趣，但都谂住试下，果然冇失望！叫左一个期间限定嘅士多啤梨味，同埋一个tiramisu 味嘅蛋糕，仲有一个和风带子意粉先讲主食啦，都几好食，个意粉系al dente嘅质感，带子十分厚肉，鲜味十足而且调味得好好。佢冇酱汁但上面有紫菜同蛋黄酱，本来觉得会好怪但turns out系几好食然后tiramisu 系有层mascarpone 奶盖流落黎，ok嘅但个人认为咖啡味可以再多啲就好重点好食嘅就系个士多啤梨味梳乎厘pancake,佢嘅pancake 切落去果下好实在但食落去果下好松软，系口中溶化，一啲都唔watery,系好高质嘅梳乎厘pancake！然后个士多啤梨酱酸甜适中，好香士多啤梨味。仲有佢嘅士多啤梨系好浓好香，唔系hea嘅士多啤梨，高质！！价钱黎讲佢系cafe价，唔会好平，但我觉得性价比黎讲系高嘅，推荐！餐厅系后巷入嘅工厦楼上舖，有d难揾但超级多人去，长期排长龙！不过我觉得佢冇用餐时间limit系几好，冇人催～