影片
更多
2022-09-07
1378 浏览
上星期， 有幸同朋友揾到一间CP值超高嘅居酒屋，一间位于铜锣湾登龙街永光中心嘅《花宵》。喺繁忙嘅时段嘅登龙街几乎大排长龙，为咗争取更多倾谈嘅机会， 我哋就选择咗楼上铺。呢一间上楼嘅居酒屋质素一啲都唔比街舖逊色， 款式多，而且价钱合理， 重要嘅系好食。一步入餐厅，有点家庭形式居酒屋嘅感觉。由于天气热， 一坐低就叫返一杯清爽嘅Suntoty draft beer。叹啤酒，一定唔少得佐酒小食。呢一个期间限定嘅《酥炸虾仔》 佐酒一流。 佢嘅size比樱花虾大，Size适中，一啖一口，所以食起嚟都能够咀嚼到虾肉。虾仔嘅外皮同脚都非常之薄皮，轻轻沾上炸浆后， 用大火炸成金黄。 食紧嚟香脆无比， 同时亦都有少少咸香嘅海鲜味。 喜欢清爽感觉嘅仲可以加上一抹柠檬汁， 开胃醒神。另外亦叫咗一啲寿司， 呢度嘅寿司质素非常之高，用嘅刺身非常新鲜。当中有几款寿司值得encore。《火炙左口鱼边寿司》 左口鱼边油份充足不用多提。 如何将火炙嘅火候拿捏得好才是重点。 左口鱼边火炙得刚刚好，既带有微微烧香， 逼出鱼油香，不会太过火，令鱼油溶化到餐碟上。 油香喺口腔入面徘徊， 鱼油同寿司饭结合， 真系非常滋味。《海胆牡
喺繁忙嘅时段嘅登龙街几乎大排长龙，为咗争取更多倾谈嘅机会， 我哋就选择咗楼上铺。
呢一间上楼嘅居酒屋质素一啲都唔比街舖逊色， 款式多，而且价钱合理， 重要嘅系好食。
一步入餐厅，有点家庭形式居酒屋嘅感觉。
由于天气热， 一坐低就叫返一杯清爽嘅Suntoty draft beer。
叹啤酒，一定唔少得佐酒小食。
呢一个期间限定嘅《酥炸虾仔》 佐酒一流。 佢嘅size比樱花虾大，Size适中，一啖一口，所以食起嚟都能够咀嚼到虾肉。虾仔嘅外皮同脚都非常之薄皮，轻轻沾上炸浆后， 用大火炸成金黄。 食紧嚟香脆无比， 同时亦都有少少咸香嘅海鲜味。 喜欢清爽感觉嘅仲可以加上一抹柠檬汁， 开胃醒神。
另外亦叫咗一啲寿司， 呢度嘅寿司质素非常之高，用嘅刺身非常新鲜。当中有几款寿司值得encore。
《火炙左口鱼边寿司》 左口鱼边油份充足不用多提。 如何将火炙嘅火候拿捏得好才是重点。 左口鱼边火炙得刚刚好，既带有微微烧香， 逼出鱼油香，不会太过火，令鱼油溶化到餐碟上。 油香喺口腔入面徘徊， 鱼油同寿司饭结合， 真系非常滋味。
《海胆牡丹虾寿司》 净系单看外表就感受到用上了新鲜嘅海胆。 海胆嘅色泽有光泽， 橙黄色嘅海胆纹理清晰， 入口甘甜味美， 记带有丝丝海水味， 同时亦渗出甘香甜美。 连埋鲜甜无比嘅牡丹虾一齐吃， 可谓将层次推至另一层次。 牡丹虾肉 爽嫩，弹牙。 那股甜味同海胆嘅甘香结合， 实在系令人大满足。
《深海池鱼寿司》 用上新鲜嘅材料，池鱼刺身带有光泽， 一食就能够品尝到池鱼那份独特嘅鱼油香。
再嚟嘅就系居酒屋必点嘅串烧系列。
《豚肉荔枝串烧》 用薄身嘅豚肉包住整粒荔枝， 外层嘅豚肉油份甘香， 中间嘅荔枝香甜水润， 两者结合一齐食，既juicy亦清新， 果香中和咗油脂嘅饱腻咁。
《厚切牛舌串烧》 选用咗牛舌中间嘅牛脷心，咬落爽脆嫩滑， 内里juicy多汁， 牛嘅膻香十足， 简单加入一抹海盐和黑椒调味， 最能够体现出食材的原味。
《明太子豆腐串》 豆腐嘅外皮烤得金黄香脆， 上边铺上了满满嘅明太子， 食落咸香味十足， 非常惹味。 内里嘅豆腐嫩滑， 有带有豆香， 赞。
《焦糖菠萝串烧》 呢一个甜品可谓一个美满嘅作结， 本身嘅菠萝已经非常之香甜， 烧烤之后甜味更为突出， 而且菠萝上面有一层晶莹通透嘅焦糖， 除咗脆卜卜之余， 焦糖香气亦同样突出， 同烧菠萝系极度匹配。
《 红豆抹茶黑糖蕨饼》 最后餐厅送上了这一个黑糖抹茶蕨饼， 口感烟烟靭靭，带有黑糖独特甜香， 同微微带甘嘅抹茶粉融为一体， 为整顿晚宴划上完美句号。
张贴
