醉忘魚屋 (已結業)

平时行过都知铜锣湾登龙街好多野食，睇OpenRice先至知道原来永光中心楼上仲有咁多餐厅，今日就首先试一试呢间醉忘鱼屋。餐厅装修系简约日本风，座位阔落，我地被店员安排坐系卡位梳化位置，非常舒适。吞云吐雾呢一款前菜嘅名够得意，佢嘅实物都一样咁得意。一上碟，店员慢慢打开盖，啲烟飘晒出黎，烟雾离漫打卡效果一流。店员介绍呢款前菜系炸酥脆紫菜同埋烟熏芝士，将两者配埋一齐食，估唔到芝士既咸香同脆卜卜既紫菜味道系咁夹。秋刀鱼刺身秋刀鱼就成日食，但刺身version都系第一次试。一上碟就觉得个摆碟好有心思，厨师将一片片嘅秋刀鱼刺身砌成树叶嘅形状，鱼肉呈粉红色，鱼皮亮银，色泽好靓。刺身厚切，鱼油脂味略淡，但食落好够鲜味。日落呢款其实系薯仔沙律，上面有微甜既脆虾干，薯蓉里面仲收埋左只溏心蛋黄，将蛋黄捞埋薯蓉一齐食，味道更升华。值得一赞既系连呢啲看似普通既菜式，都可以睇得出师傅放左唔少心机系入面。松叶蟹肉配拖罗蓉将松叶蟹肉同拖萝蓉包埋紫菜一齐食，同时食到蟹肉既鲜味同埋拖萝蓉既油脂香，拖萝蓉入面仲加入左蟹籽，增添口感。串烧我地仲另外叫左几款串烧，包括紫苏梅子鸡胸卷、极上盐烧牛舌、荔枝烟肉卷、白烧鳗鱼同埋冬菇。