Bistroholic (已結業)

好朋友生日，当然要带佢食好嘢啦上网揾一揾，发觉呢间小店环境唔错，而且评价都几好，所以抱住试一试嘅心态，嚟呢到试吓啦！结果系无令我失望嘅一入到去已经比佢地嘅装修吸引著感觉好似去咗外国嘅小镇咁，又靓又舒服先嚟系佢地嘅自家制手功面包，入面加咗红枣，口感唔错！而且佢仲自制咗个蕃茄酱比你点，好有心思头盘系茶叶鹌鹑蛋配蜂蜜腌火腿沙律🥗，茶叶蛋就食得多，但茶叶鹌鹑蛋都系第一次食食落好入味，配埋新鲜嘅沙律菜一齐食，唔错！之后系油封章鱼配炸南瓜粟米糕章鱼食落好爽口，一啲都唔韧！另外个粟米糕好特别，食落带啲南瓜味，沾埋少少沙律酱一齐食，正餐汤系杂菜汤，口感浓稠，够晒足料！主菜有牛油肉眼心配锅炒蔬菜，上碟嘅时候劲靓睇得出厨师放咗好多心机入去肉眼扒食落重肉味之余，仍唔会韧！配埋蔬菜一齐食，健康又好味另外一个主菜我地拣咗手撕鸭腿肉酱扁意粉！鸭肉味道好突出，比起平时用开嘅猪肉或者牛肉，有特色得嚟，味道仍都好夹，唔错一个完美嘅晚餐，又点少得甜品呢？一款系Tiramisu ，而另一款系Brownie 加雪糕！两款味道都好好，唔会太甜之余，仍食得出系自家制成餐饭朋友都好满意，成功