林氏廚房 (已結業)

今日去咗荔枝角一间楼上嘅西餐，试左佢地二人餐套餐都只系$488。另外发现原来呢度星期三会有live band，而且佢哋嘅lunch menu有protein shake 好正啱晒做gym人士。是日餐汤及餐包今日餐汤系忌廉汤，用黎点餐包食唔错蟹肉烟三文鱼沙律配油醋汁呢个沙律蟹肉份量都唔少，而且加埋烟三文鱼带来丰富嘅咸香，油醋汁酸酸甜甜令整个沙律食落非常之开胃。炸物拼盘炸物拼盘包括鸡翼茶树菇同埋饺子。食材全部都系啱啱新鲜炸起，配上椒盐同埋蛋黄酱非常惹味，最出色系茶树菇外脆内软。纽西兰肉眼扒大大块肉眼扒配上烧汁，而且肉质嫩滑多汁，黑椒同埋岩盐就自己根据口味再添加。配菜嘅薯蓉都好出色非常香滑。带子黑松露意大利饭意大利饭相当重黑松露味，而且米饭亦都住得非常之软糯，每一啖饭都比浓郁嘅黑松露汁包住，带子煮得啱啱好熟好鲜甜。最后仲有朱古力蛋糕做甜品同埋餐饮。