夢樂園 (已結業)

嚟到尖沙咀，朋友介紹咗呢間餐廳，餐廳嘅位置雖然係鬧市，但係地下冇任何招牌，所以唔講都唔知有間樓上餐廳。上到去有大大張poster貼咗喺牆入到去先知原來呢間餐廳係有貓玩㗎，但係佢又唔係好似普通貓Cafe咁，有好多貓，呢度只係得四隻。每一隻貓貓都好痴人，而且好乖。最搞笑係每一隻貓都有自己嘅地盤妹妹最搞笑，比較鍾意坐喺近門口位置，成為招待貓🤣嘢食方面雖然款式唔多，但係餐廳話除咗餐牌嘅嘢食之外，夜晚其實主要係食私房菜。我自己叫咗杯珍珠奶茶，唔同出面飲嘅奶茶，餐廳用嘅茶好濃厚加埋香滑嘅奶，飲落去好好味。呢個皮蛋好好笑，個名叫做怪味皮蛋，其實一啲都唔怪，而且辣椒調味得好好👍🏻呢個炸花枝丸就好食啦，每一啖都有墨魚，而且炸到好脆，我哋食完仲叫多一碟🤣至於呢個烏冬，其實啲醬料係喺碗底度，要食嘅時候撈埋一齊，朋友話好好食。我自己就叫咗個口水雞飯，口水雞好鮮嫩，而且配嘅辣椒醬唔係話非常之辣，而係濃度剛剛好，有辣椒嘅香味，亦食到雞嘅新鮮。總括而言，以樓上Cafe （仲有貓玩）來講，呢間餐廳嘅質素真心高質。