Ground Zero (已結業)

观塘高质楼上黄cafe Groundcafe 今次由观塘街坊带路，带我黎呢间观塘cafe，我地𠮶日两点到已有劲多人排！ 最尾等左廿分钟左右终于入得！我地一人一个lunch set 📍澳洲和牛汉堡配蕃薯条汉堡嘅包好软熟，两边都有用牛油香烤，所以带阵阵牛油香。和牛汉堡嘅肉汁满满，牛味浓郁，仲有爽脆嘅生菜，清甜多汁嘅番茄，仲有一只太阳蛋添，用料非常丰富。而配菜嘅蕃薯条即叫即炸，热辣辣脆卜卜。📍蒜油，辣椒虎虾阔条面：蒜油嘅香气扑鼻，辣椒够哂惹味，加埋爽口弹牙嘅虎虾，用嚟配软硬度适中嘅阔条面就最夹。📍tonic espresso：espresso同tonic做到渐层效果，用嚟影相都几靓。📍Matcha Latte：呢杯可算系热门饮品，我见每台都总会有一杯，抹茶茶香甚浓，入口幼滑。📍意大利芝士蛋糕：佢哋嘅蛋糕浸泡左香浓咖啡香嘅咖啡酒，再加埋质感软滑轻盈嘅Mascarpone芝士。而表面铺满浓郁嘅可可粉。食落口感轻盈，完全唔觉腻。📍法式焦糖炖蛋：炖蛋嘅火候控制得宜，嫩滑非常，甜度适中，蛋香味浓郁，加埋表层香脆可口嘅焦糖，口感变得更加丰富。