The Grill Room (The L. Square) (已搬遷) 新店位置

铜锣湾The L Square有好多选择，今次就拣左The Grill Room试下。餐厅嘅环境感觉好舒服，有高枱亦都有梳化位。12点上到去无乜人，但过左半个钟到食饭时间就差不多满座啦~我同朋友见Set Lunch好扺食，仲免加一，所以叫左一份鸡一份牛～前菜，饮品同甜品都系另加，可以自由组合啱食嘅野。🥗巴马火腿沙律：有2-3种沙律菜同火腿，加埋黑醋汁好开胃👍🏻🥩8安士肉眼扒配薯角蔬菜：五成熟嘅肉眼扒煎得啱啱好，肥瘦适中唔会韧，配菜系焗嘅翠玉瓜粒同烟肉为主，仲有大大旧薯角😋🍗葡式香辣鸡配薯条沙律：上菜时见到系半只烧春鸡好惊喜🤩味道唔会好辣但好惹味，鸡肉唔干仲好juicy。初头以为食唔哂，但最后食到停唔到口。粗薯条加左黑松露调味，就算唔落茄汁都好食🍟跟餐嘅沙律就同前菜一样，只系无火腿。最后仲加左杯咖啡同甜品～即磨咖啡一上枱已经好香，味道好浓，饮品配左一粒咖啡糖同奶，值得一赞系牛奶系有打过嘅奶泡，唔系直接系雪柜倒出黎🥰🥰跟餐嘅蓝莓芝士蛋糕份量唔会太大份，食完主菜作结尾啱啱好！