影片
更多
2024-05-31
320 浏览
Little fresh cafe高质有特色西餐😋😋今日黎左旺角既楼上Cafe食西餐，静静地倾下偈❤️我地夜晚黎到叫左2个set，我地分别拣左法色洋葱汤配法包，法包搽左牛油落去焗到好香，个汤咸道适中，似面豉汤，都有洋葱味，配上法包吸哂啲汤汁几特别。另外嗌左沙律🥗 好清新！沙律系新鲜生菜配番茄，用左黑醋汁，酸酸甜好开胃，同埋碟边有啲七味粉，会有少少辣😝如果有埋其他沙律菜就更丰富喇😋Main我地拣左个猪梅肉扒，一开始上枱店员话个扒系7成熟，店员话如果觉得太生可以再整返熟啲，因为未试过猪扒食7成，切开感觉有少少生，所以我地就叫店员整返9成熟，整完果然好味好多，啲肉有少少粉红色，肉质好嫩又弹牙😋😋猪扒应该腌过嚟，食到入边有啲香甜味。配菜有薯蓉同杂菜，我钟意个薯蓉仲保留一啲薯仔粒粒，绵滑得黎有咬口，牛油味好香。杂菜烧到几香，又可以解腻☺️第二个Main我地拣左牛肝菌汁南非鲍鱼仔意大利云吞，一上枱见到都几多鲍鱼仔，有10只8只！好弹牙😋 云吞入面应该系猪肉同香菇粒。个云吞酱汁几种菇，好香菇味，啲酱汁几浓郁，同有少少辣。餐饮我地+左38蚊转沙冰，其中一个朱古力沙冰，好足料！食到粒粒，唔会太甜，杯野饮都好
高质有特色西餐😋😋
今日黎左旺角既楼上Cafe食西餐，静静地倾下偈❤️
我地夜晚黎到叫左2个set，
我地分别拣左法色洋葱汤配法包，法包搽左牛油落去焗到好香，个汤咸道适中，似面豉汤，都有洋葱味，配上法包吸哂啲汤汁几特别。
另外嗌左沙律🥗 好清新！
沙律系新鲜生菜配番茄，用左黑醋汁，酸酸甜好开胃，同埋碟边有啲七味粉，会有少少辣😝如果有埋其他沙律菜就更丰富喇😋
Main我地拣左个猪梅肉扒，一开始上枱店员话个扒系7成熟，店员话如果觉得太生可以再整返熟啲，因为未试过猪扒食7成，切开感觉有少少生，所以我地就叫店员整返9成熟，整完果然好味好多，啲肉有少少粉红色，肉质好嫩又弹牙😋😋猪扒应该腌过嚟，食到入边有啲香甜味。配菜有薯蓉同杂菜，我钟意个薯蓉仲保留一啲薯仔粒粒，绵滑得黎有咬口，牛油味好香。杂菜烧到几香，又可以解腻☺️
第二个Main我地拣左牛肝菌汁南非鲍鱼仔意大利云吞，一上枱见到都几多鲍鱼仔，有10只8只！好弹牙😋 云吞入面应该系猪肉同香菇粒。个云吞酱汁几种菇，好香菇味，啲酱汁几浓郁，同有少少辣。
餐饮我地+左38蚊转沙冰，
其中一个朱古力沙冰，好足料！食到粒粒，唔会太甜，杯野饮都好大杯。
最惊喜系迷迭香芒果菠萝沙冰😍😍一上枱店员会揾火枪烧一烧面头既迷迭香营造烟熏效果，令个杯野饮既香味更特出 入面都有啲香草粒粒，估唔到香料同水果咁夹，好好饮😋😋
上菜速度算快，我地食完一道，下一道岩岩就送到，本身想叫甜品，但个set份量好够食得好饱，留返下次再过黎试其他野😋😋
小插曲：着咗白色恤衫整污糟咗，店员见到湛左杯热水俾我，好窝心
店内有wifi
张贴
