喜双逢 (已結業)

同闺蜜去完剪发，想揾坐得舒服嘅中菜馆食dinner倾下计，就去咗近近哋嘅喜双逢。一入去坐咗旁边卡座，好阔落舒服。我哋好懒唔想谂食乜，侍应推介咗二人套餐，咁就点呢个啦。一嚟上咗个杏汁花胶炖白肺汤，好足料！本身唔太好杏仁猪肺，但呢碗汤杏仁味清甜，亦有好多花胶，真材实料😍呢个时势补补个肺，仲可分成6碗咁多！大力推介！再上烧味拼盘，叉烧同烧腩仔都好味，但尤其钟意个叉烧，佢系比较腍身，同蜜糖味浓，外层烧到有少少焦，啱我口味😋跟住上西芹炒龙趸片，块龙趸片成半只手掌咁大块，好鲜味👍闺蜜最欣赏豉汁带子蒸豆腐，清清哋啱佢口味，健康啲🌿食埋个蛋白炒饭，干身够镬气。最后仲送合桃糊，好香浓，有诚意。每人$38x，中环区、环境舒服、食物高质，超值！