影片
更多
2024-02-14
49 浏览
💁♀️💁♂️ 06/02/2024(Tue), Dinner🍽💁♀️为食妙妙公司附近嘅和富中心翻新之后，多咗唔少食肆，其中有一间叫橙象🐘嘅泰国🇹🇭菜，味道正宗而且价钱合理，于是今晚放工之后我地就去到食埋晚饭先返屋企。餐厅座位安排阔落，中间有几张圆枱，几个朋友嚟嘅话可以自成一角，方便倾计。而今晚我地order咗：🔆 铁板蚝仔🦪蛋🥚（$98）平时我哋去食潮州嘢都会叫蚝饼，今次又试吓呢个泰式嘅铁板蚝仔🦪蛋🥚又系咩味道先。上枱时铁板热焫焫滋滋声嘅，先有芽菜垫住喺底，上面再放蚝仔🦪蛋🥚，最后再有一啲芫荽做装饰，伴碟有一小碟泰式辣酱调味。呢碟蚝仔🦪蛋🥚煮得嫩滑，蛋富有蛋香味，蚝仔🦪粒粒饱满新鲜，入口无腥味。用上芽菜垫底就唔怕俾铁板嘅热力整到过熟，而芽菜本身都爽口好食，夹埋蚝仔🦪蛋🥚一齐入口味道同口感都好好。之后再试试加入辣酱同食，多咗辣味感觉多咗份刺激嘅味道之余亦提味不少。🔆 泰式虾球🦐炒金边粉（$88）Pad Thai都系A先生喜爱嘅泰式食物之一，喜欢佢酸酸甜甜嘅味道，呢碟加入咗虾球就更吸引😋。金边粉煮得入味又烟韧，口感十分好。配料有芽菜、韭菜、豆干、鸡蛋丝等，再伴有花生🥜碎同青柠同吃，口味正宗
💁♀️💁♂️ 06/02/2024(Tue), Dinner🍽
💁♀️为食妙妙公司附近嘅和富中心翻新之后，多咗唔少食肆，其中有一间叫橙象🐘嘅泰国🇹🇭菜，味道正宗而且价钱合理，于是今晚放工之后我地就去到食埋晚饭先返屋企。
餐厅座位安排阔落，中间有几张圆枱，几个朋友嚟嘅话可以自成一角，方便倾计。
而今晚我地order咗：
🔆 铁板蚝仔🦪蛋🥚（$98）
平时我哋去食潮州嘢都会叫蚝饼，今次又试吓呢个泰式嘅铁板蚝仔🦪蛋🥚又系咩味道先。
上枱时铁板热焫焫滋滋声嘅，先有芽菜垫住喺底，上面再放蚝仔🦪蛋🥚，最后再有一啲芫荽做装饰，伴碟有一小碟泰式辣酱调味。
呢碟蚝仔🦪蛋🥚煮得嫩滑，蛋富有蛋香味，蚝仔🦪粒粒饱满新鲜，入口无腥味。用上芽菜垫底就唔怕俾铁板嘅热力整到过熟，而芽菜本身都爽口好食，夹埋蚝仔🦪蛋🥚一齐入口味道同口感都好好。之后再试试加入辣酱同食，多咗辣味感觉多咗份刺激嘅味道之余亦提味不少。
🔆 泰式虾球🦐炒金边粉（$88）
Pad Thai都系A先生喜爱嘅泰式食物之一，喜欢佢酸酸甜甜嘅味道，呢碟加入咗虾球就更吸引😋。金边粉煮得入味又烟韧，口感十分好。配料有芽菜、韭菜、豆干、鸡蛋丝等，再伴有花生🥜碎同青柠同吃，口味正宗。
🔆 泰式香茅炸猪扒（$1，每日优惠价）
餐厅由星期一至日，每日都有一款菜式或者饮品以优惠价$1计算，至于我哋到访当日嘅菜式就系泰式香茅炸猪扒，咁著数我哋当然都叫返一碟啦！
虽然系$1，但味道同份量都绝不欺场。猪扒炸得金黄香口，唔算系厚切但入口都唔会干争争，伴碟有腌萝卜中和一下，食落无咁热气，又可以食多几件。
🔆 芒果🥭椰子🥥西米慕斯特饮（$46）
为食妙妙点嘅呢杯特饮就十分足料，面层有一层mousse，接住有芒果🥭汁、椰汁西米等，口感丰富，入口系好充实嘅芒果🥭同椰子🥥味，西米食落增添咗唔少嘅咬口。
🔆 蜜糖🍯香蕉🍌乳酪果昔（$35）
A先生选嘅蜜糖🍯香蕉🍌乳酪果昔同样都系十分足料，入口口感浓稠，香蕉🍌味同蜜糖🍯味道都好突出，加上份量都唔细，饮完都几充实💪🏻。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：9/🔟
❤🙆♀️(为食妙妙)整体食评：8.5/🔟
👉🏻 正宗泰式风味，价钱实惠，仲有每日$1小菜，超值抵食
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 泊车方面可能要考虑和富中心🅿️或者北角汇🅿️
👉🏻 北角站行过嚟都系十多分钟左右路程，亦可选择电车或者巴士，交通尚算方便
🔆🔆🔆🔆🔆🔆🔆🔆🔆🔆🔆🔆🔆
张贴
