牛牛

营业中

休息中

早前入西贡做嘢，一早已 bookmark 定要帮衬巷仔嘅牛牛，因为见唔少沙牛面关注组嘅人都推介。本来想叫最 basic 嘅沙牛公仔面，但见到 menu 竟然有炸面，即刻二话不说，转軚要咗个沙嗲牛肉酥脆炸面。呢个面真心好食，牛肉份量超多，有牛味之余，肉质亦非常软腍，但又唔觉落咗好多松肉粉，劲👍。沙嗲汁超浓，由于夹杂咗大量洋葱，我觉得有少少偏甜，绝对系我钟意嘅味道。至于炸面又系一绝，啖啖脆卜卜，但系就一啲都唔油腻，好似食紧妈咪面咁，好正🤤。食食下，听到其他食客话个沙嗲汁点薯条食超好味😲，老板娘话迟下睇下会唔会出呢个配搭，哗，斋听已经好想食😍。