Casa Luca (已結業)

岩岩去完旅行食得太多，返香港🇭🇰就想食清淡啲，于是就同同事去食沙律🥗refresh下。之前食过佢早餐，午餐都系第一次试。餐牌有好多选择，除左饭同意粉，仲有啲沙律、配菜同主菜🍗配搭既套餐。今次一行三人就叫左个二人餐，包两主菜两配菜两沙律两饮品，承惠$13X。主菜就拣左猪助骨同猪手🐷，配菜就拣左炒菇同焗西兰花🥦，沙律就拣左苹果沙律同南瓜沙律。饮品原本想试下佢餐汤，因为之前见人饮都好吸引，但结果职员话今日唔提供餐汤☹️。猪肋骨食落比较干同咸，食到好口渴，猪手个皮好硬，咬极咬唔开，而且肉都系冻同较硬身。反而配菜同沙律就完胜主菜。南瓜沙律好软身又加左提子干同肉丝，好岩取代米饭🍚。至于苹果沙律🍎就好新鲜同爽口，仲加左提子干🍇同合桃，食到停唔到口，唯一不足系对我个人黎讲太多酱料。另外，炒菇都非常新鲜又多汁，好饱满既感觉，西兰花🥦就同忌廉白汁焗好惹味。整体黎讲真系唔错，水准除左主菜都值哩个价钱，而份量都好够，我地三个人都食唔哂，下次可以纯食沙律配菜餐就够哂😋。一个字，正！