Bistro Du Vin

营业中

休息中

呢晚去西环探朋友，佢专登带我去呢间法式餐厅食饭，声称食物同环境都有质素。餐厅环境装修华丽得来带少少怀旧感觉， 餐牌有多款set dinner及单点选择。我哋两个人拣咗个一人晚餐，包3-course，有餐汤/沙律、主菜及甜品。另外单点咗一个主菜share。里昂水波蛋沙律 - 入面有沙律菜，烟肉同水波蛋，味道好清新，好开胃嘅一个前菜。龙虾扁意粉 - 一睇卖相已经流晒口水，未食已经闻到浓烈嘅香味。龙虾肉质爽甜，配埋香浓嘅龙虾汁同弹牙嘅扁意粉。真心好味，好高质。法国油封鸭腿 - 肉质入味得来好鲜嫩，亦唔会好肥腻。配菜系豆角，平衡咗肉嘅油感，感觉健康啲。甜品系Madeleine signature - 呢个小蛋糕绝对系必食之选，热辣辣，入口松软。再配埋浓郁嘅朱古力雪糕，感觉有啲似Gelato。甜甜嘅蛋糕，配上特浓嘅朱古力味，超级合拍。呢个甜品，我比好高分。餐厅布置classic得来亦好舒服，食物质素相当之高，好适合一班朋友又或者情侣食饭。