木船 (已結業)

同朋友一向都钟意泰国菜，今日黎左木船试下。 7点几去到，唔算多人，唔需要等位入得，装潢都几新同环境干净。叫左个小食拼盘，同沙律作开胃菜。个凤爪沙律有少少辣的，整体系酸酸辣辣咁。小食拼盘的炸物好脆口，仲配有泰式辣椒酱！之后叫左个冬荫公明炉乌头，唔食得辣既朋友仔都可以试下呢个！汤头鲜味，配料仲有菇。条鱼都几大条，2个人勉强食得晒！仲叫左个炒金边粉，一碟大概有5-6只大虾，仲有花生碎，辣椒碎。只辣椒碎都几辣，建议唔食得辣既朋友落一半就够了， 个金边粉都够味，仲好有镬气！黎泰国餐厅，点少得泰式奶茶！试过好多餐厅的泰奶都同泰国饮到既好唔同，偏向港式。但呢到奶茶唔会死甜，有茶味，而且创新！奶茶上配上cream! 好好饮！