Nara Thai Cuisine (港威商場)

营业中

休息中

琴晚去咗 ❥⧽Nara Thai Cuisine ❥⧽ 食晚饭, 餐厅以木色为主, 座位系藤椅配咕臣, 甚有泰国气氛, 我地坐窗边位所以可以望到海景, 感觉好舒适。𓊈黄咖哩大虾 $𝟙𝟞𝟠𓊉卖相好精致, 大虾炸到外皮脆卜卜, 不过肉质仍然保持鲜嫩, 黄咖哩比较浓稠, 味道香浓但唔会辣, 用嚟蘸点任何嘢食都好味! 最估唔到系放喺面层好似无处理过嘅洋葱, 竟然一d 都唔辣仲好清甜, 好食!𓊈菠萝肉松海鲜炒饭 $𝟙𝟚𝟠𓊉以菠萝做摆盘真系好吸引, 面层仲有2只大虾, 啖啖肉又弹牙! 炒饭有淡淡嘅咖哩香味, 配料有鱿鱼, 带子粒, 鸡肉, 提子干同菠萝。而腰果因为有轻轻炒过, 所以更加香口。𓊈烧猪颈肉配青木瓜沙律 $𝟙𝟚𝟠𓊉猪颈肉烧得刚刚好所以好 juicy, 份量亦几多, 食得好满足, 侧边嘅青木瓜沙律好清新, 可以解一解猪颈肉嘅油腻感。𓊈印度薄饼 $𝟛𝟝𓊉薄饼同咖哩真系好朋友嚟, 一定要一齐食, 薄饼好软熟, 唔会太油腻。✧✧ 一坐低就有一碟虾片放喺枱面, 但系因为太好食, 挂住食而唔记得影相🫣。成餐饭嘅感觉都好好, 环境舒适, 落完单好快就有嘢食, 店员亦好好礼貌, 值得去食呀。