兄弟幫食堂 (已結業)

工作关系，最近经常系旺角觅食，发掘咗唔少好去处，兄弟帮食堂系其中一间。呢度每日午餐有四款选择，配埋嘢饮最平五十蚊有找，几抵食。呢排帮衬过三次，三次都满意。第一次试泰式，叫咗泰式四季豆肥牛饭，我好钟意个调味，酱汁微辣味浓，捞饭一流，肥牛又够多，劲正。第二次试中式，叫咗葱油咸鱼肉饼饭，肉饼煎得咸香，配埋淋喺上面嘅葱油，又系𩠌饭一流。第三次试西式，叫咗香煎比目鱼扒配蚬肉白汁意粉，由于冇比目鱼扒，结果转为炸鱼柳，虽然肉质冇比目鱼咁肥美，但都算嫰滑，唔错，白汁正常调味，可惜酱汁略少，令到意粉有啲干身黏口，意粉亦略嫌稍腍。总括嚟讲，呢度地方企理，午餐质素高之余亦好抵食，值得推介。