SO! BangKok Thai Eatery & Desserts (裝修中)

SO! Bangkok的室内装修相当雅致，好似去咗泰国商场入面啲餐厅咁。室外座位就特别适合小朋友同一家大细。食物方面叫咗泰式海南鸡饭、沙嗲牛鸡猪肉串、泰式炸虾饼、安格斯牛扒沙律。尤其推荐安格斯牛扒沙律，牛肉份量足料，口味亦都唔会太辣，酸酸地啱晒而家呢啲闷热嘅天气。泰式虾饼一份已经有6块，炸得非常香口，虾饼亦都非常弹牙值得一赞👍🏻钟意食海南鸡饭嘅人就唔好错过，一样系足料味道亦都唔错。最后仲叫咗杯泰式冰镇奶茶加珍珠，泰奶个甜度适中最啱当系甜品完结满足嘅一餐。