泰聚 (已搬遷) 新店位置

今日难得早收工，当然要同朋友去食个晚饭聚下旧啦！咁啱朋友想食泰国嘢，行过太子，于是就入咗去呢间泰菜餐厅度食，装修几型㗎佢有一人火锅，不过我哋都想食得清清地，所以就散叫一啲食物首先我哋order左一个柚子沙律，冇谂过系完个柚子上！味道非常清新，柚子亦都非常清香，而且果汁都好特别，完全唔觉得滞，仲好开胃！沙律入边仲有虾，非常弹牙！然后就到主菜啦！盐烧乌头，条鱼非常之多肉，肉质鲜嫩，而且调味啱啱好，唔会过咸！然后我哋都想食菜，但系又唔想食辣，于是就要做呢碟炒杂菜，啲菜非常之新鲜，而且仲有好多种类，最紧要系佢炒得好好食！我同朋友都想食椰汁糕，于是就叫左一返嚟试吓，椰汁味出，非常之清甜，绝对系完美嘅句号！食泰国菜又点少得饮椰青呢？大大个，清甜止渴，正！