新泰東南亞餐廳 (已結業)

近排疫情问题，但又约咗朋友2个人食饭，想揾好坐嘅地方，又坐得阔落啲，所以嚟咗新泰东南亚餐厅食泰菜。侍应安排咗卡位俾我哋，坐得好阔落，好有泰国风情。食泰菜点可以唔叫椰青，近排天气转热，饮椰青解热，大大个，仲好清甜。猪肉碎生菜包，猪肉配泰式香料炒得非常入味，辣辣地，好开胃。泰式生虾，非常新鲜，肉质弹牙，配埋辣椒、香蒜同酱汁，更能提出鲜味，值得一赞。炸虾饼，炸得非常香脆，又弹牙，配甜酸酱一流，不过两个人食好似太多。串烧沙嗲，猪肉、牛肉同鸡肉各一串，沙嗲汁非常香浓，越食越滋味。尤其鸡肉肉质非常嫩，一定要叫。泰式虾炒金边粉，外层蛋皮煎得非常靓，而且大虾爽口，金边粉调味开胃，我同朋友都赞不绝口。太耐冇去过泰国，最挂住一定系芒果糯米饭。餐厅嘅芒果非常甜，估唔到喺香港都可以食到，而糯米饭有分紫糯米同白糯米，口感烟银，配埋椰浆非常好食。