泰拍耶

营业中

休息中

系黄埔行完街, 谂住落aeon买d野番屋企煮, 落到去见到依间泰菜, 门面几靓仔menu又好似唔错, 就懒鬼上身都系系度食埋先番去🤤menu有二人餐, 四人餐胸可以散叫, 选择都几多! 软壳蟹青木瓜沙律好大盘! 面头有成只大size软壳蟹, 新鲜整起入口香脆, 仲几厚身, 正㖞! 配上口感脆脆地既青木瓜, 加埋酸酸辣辣既酱汁, 够哂开胃!冬荫公味道迎合番香港人口味, 唔算但够香够辣够酸, 味道刺激, 正! 重点系入面好多香料, 仲有中头虾几只, 真系够足料先煲得咁浓香👍🏻泰式炒饭炒饭粒粒分明炒得香口, 有获气味道, 仲加入左肉松, 蛋等增添口感同香味, 份量多, 两个人食咁多真系好满足。烧鸡半只烧鸡加埋炸虾片, 未食已闻到烧烤既香味, 鸡皮烧得又薄又脆, 鸡肉保持juicy嫩滑, 仲有焦香, 坚好食! 必点推介!最后饮埋杯thaitea同埋香茅特饮, 满足哂! 估唔到依唔到依出乎我意料既好味, 会回头再帮衬。