秘密花園燒烤場

营业中

休息中

平安夜揾地方同男朋友食大餐撑枱脚，但系度度都好贵 突然间醒起呢个烧烤场，之前睇美食节目介绍过，想去试吓好耐，就WhatsApp问吓佢地圣诞节有无特别收费。好惊喜佢地节日无加收费用～ 好详细咁send咗几款套餐详情同埋食物相片比我选择，如果订位先过数一半订金就ok～ 呢度地方真系好秘密，我地系坐车去到将军澳再转的士嚟 走嘅时候都需要call车出去，所以如果同埋揸车嘅朋友同行会好好多～好庆幸我地拣咗呢度过平安夜，好用心嘅布置～ 好靓呀🎄✨🌌～～呢度一个好大嘅卖点系，佢张烧烤台围住炉边系台面，方便大家放碟、刀叉，食得优雅，唔会咁狼狈～ 真系啱晒约会吖😆我地选择咗$380海鲜套餐，有牛油扇贝、中虾、鲍鱼、象拔蚌仔、蚬。 海鲜只有一份无得任食，不过我觉得已经足够海鲜好新鲜！鲍鱼会跳舞放上火炉上系咁郁...其他可以任食嘅都好多选择，其中我最钟意佢地嘅猪颈肉同埋五花腩，五花腩腌料系叉烧酱，好惹味饮品每人有一个无酒精free drink，另外其他酒水都有得购买，我地叫咗一set啤酒$100/6罐温馨提示，我地两个人要收开炉费$100，四人以上可以free。