影片
更多
2023-12-27
23 浏览
圣诞当然要庆祝一下啦～今日就黎到位于铜锣湾嘅哩间餐厅。餐厅环境雅致舒适，四周挂上小灯泡营造浪漫感觉，播住轻柔嘅音乐，超适合约会或者庆祝节日🌹餐牌～✨Deluxe Set Menu $928/1位🍞自家制面包酱配三款面包三款面包系芝士脆饼、墨鱼汁芝麻包及意大利香草包，配上餐厅自家制既辣肉肠南瓜酱、香草茄子酱及榄油黑醋。我想讲哩自家制面包酱真系不得了，劲有惊喜❗️配搭落面包度真系劲好食，辣肉肠南瓜酱同香草茄子酱都俾我哋完全清晒～🔸Starter🔺西班牙红虾他他红虾新鲜鲜甜，可以配搭旁边既柚子酱油泡泡同上层既柚子啫喱一齐食，底层仲有青苹果青瓜沙律，成个配搭味道清新开胃。🔺香煎北海道刺身带子·黑松露蛋黄慕丝配青苹果藜麦蟹肉沙律北海道刺身带子新鲜大粒，质感弹牙，底层有青苹果藜麦蟹肉沙律，旁边仲有黑松露蛋黄慕丝，味道层次丰富。🔸Soup🔺法式龙虾汤龙虾汤味道浓郁，内里有新鲜弹牙嘅龙虾肉。🔺意大利杂菜汤杂菜汤味道清甜，配料丰富，有芹菜、萝卜、瓜、红腰豆等食材。🔸Entree🔺香脆蜗牛薯蓉球薯蓉球用上法国蜗牛、烟肉及芝士等配料，再混合日式咖喱汁，香脆可口。🔺香煎鹅肝鹅肝大大件，而且油脂丰富，配搭香脆嘅面
餐牌～
✨Deluxe Set Menu $928/1位
🍞自家制面包酱配三款面包
三款面包系芝士脆饼、墨鱼汁芝麻包及意大利香草包，配上餐厅自家制既辣肉肠南瓜酱、香草茄子酱及榄油黑醋。我想讲哩自家制面包酱真系不得了，劲有惊喜❗️配搭落面包度真系劲好食，辣肉肠南瓜酱同香草茄子酱都俾我哋完全清晒～
🔸Starter
🔺西班牙红虾他他
红虾新鲜鲜甜，可以配搭旁边既柚子酱油泡泡同上层既柚子啫喱一齐食，底层仲有青苹果青瓜沙律，成个配搭味道清新开胃。
🔺香煎北海道刺身带子·黑松露蛋黄慕丝配青苹果藜麦蟹肉沙律
北海道刺身带子新鲜大粒，质感弹牙，底层有青苹果藜麦蟹肉沙律，旁边仲有黑松露蛋黄慕丝，味道层次丰富。
🔸Soup
🔺法式龙虾汤
龙虾汤味道浓郁，内里有新鲜弹牙嘅龙虾肉。
🔺意大利杂菜汤
杂菜汤味道清甜，配料丰富，有芹菜、萝卜、瓜、红腰豆等食材。
🔸Entree
🔺香脆蜗牛薯蓉球
薯蓉球用上法国蜗牛、烟肉及芝士等配料，再混合日式咖喱汁，香脆可口。
🔺香煎鹅肝
鹅肝大大件，而且油脂丰富，配搭香脆嘅面包及砵酒车厘子汁，能够减低油腻感。
💕番石榴雪葩
中途店员会送上番石榴雪葩，可以清一清口腔先再食主菜～
🔸Main Course
🔺澳洲M9和牛牛肉眼扒
肉眼扒牛味浓郁，5成熟度啱啱好，肉质粉嫩，油脂丰富，仲配有紫薯蓉、蕃茄仔同萝卜，好快就清晒碟～
🔺慢煮伊比利亚黑毛猪上肩肉
估唔到哩道菜几有惊喜，猪上肩肉上面有脆脆嘅面包糠，食落口感丰富，慢煮嘅黑毛猪肉软腍嫩滑，仲配有芦笋、焗蒜头及蕃茄仔。
🔸一口小甜点
喺主甜品上枱之前，店员会先送上一口小甜点及玫瑰茉莉花茶。一口小甜点包括柠檬乳酪白朱古力、榛子朱古力、茉莉花蝴蝶酥及伯爵行马卡龙，每一款都好靓，而且味道相当唔错。
🔸是日甜品
两道甜品都超适合打卡，栗子奶冻嘅栗子味超浓郁，奶冻非常细滑，上面仲有栗子肉碎碎；海盐朱古力慕丝朱古力味同样浓郁，慕丝细滑，仲配搭朱古力脆脆同棉花糖，增添口感。
🌟 #优惠情报🌟
餐厅而家做紧现金付款八五折优惠❗️❗️❗️
张贴
