Y Show Tasty (已結業)

呢间喺尖沙咀嘅西餐厅都几浪漫💕灯光昏暗 每一枱中间都有个小型蜡烛🕯️情侣或者朋友摸住酒杯 倾吓倾 都唔错🍺𠮶日就同朋友嚟左食饭😆嗌左一个泰式冬阴功海鲜意大利饭同日式味噌焗鳕鱼✨意大利饭口感好creamy 每一粒饭都索晒汁 饭粒好烟韧有咬口！个冬阴公酱酸酸辣辣 超级开胃👍🏻入面仲有好多海鲜 口感好丰富！个鳕鱼肉质都几嫩滑 冇雪藏味同腥味 再加埋甜甜地嘅味噌酱 都几特别🐟另外试左杯cocktail 卖相都几靓🍹Vision系用左自家制桂花糖水再加洋甘菊rum整成 味道清甜带淡淡嘅花香味🌸🌼好啱女仔饮🧍🏻‍♀️