雄館特式小廚 (已結業)

啲海鲜全部都好新鲜好鲜甜。盐焗蟹蟹味好够，咸味又适中，好多蟹膏添！唯一不足系啲鲍鱼好似腌多咗啲蚝油味，食落有啲奇怪，又盖住了鲍鱼原本鲜味，但肉质非常烟韧。牛面颊用红酒与酱汁炆得好入味好林，质地又似牛筋又似牛展。食落会有啲黏口的感觉，肉汁丰富。盐焗清远鸡要早一日订，因为餐厅话系本地活鸡。又滑而且一啲都唔肥腻。非常推荐！餐厅环境行大众化路线，虽然装修不起眼，个场比较细，但平日晚市都会坐满，可见食品质素有返咁上下先会客似云来。服务员态度非常好，又主动。