影片
更多
2021-07-06
14301 浏览
成日食「吃到饱」、「放题」系时候要升华一下自己。难得可以出公数食饭，而且数目唔细，基于「小食多餐不如豪一次」嘅原则下，一致通过去半岛酒店食自助餐。作为级又历史悠久嘅酒店，佢嘅Buffet 一直被受追捧。究竟佢系咪真系传闻中咁高质、咁神级、咁好食呢？🤔等我嚟探讨吓。首先系环境方面绝对满分！非常适合各大KOL 自拍/影相。餐椅好似单人梳化咁舒服，坐住都唔想郁。枱与枱之间有好大空间，倾计唔怕俾人听到，又唔怕出入会撞到人。服务方面每个area 都有专属嘅侍应负责，空碟收得快，方便去攞下一轮。勤快又贴心。重点嚟喇！自助餐食物区比想像中细，款式较少，主要系海鲜、甜品为主，肉食相对较少。刺身绝对新鲜，肉质鲜嫰，同高级日本料理店无异。三文鱼、吞拿鱼、甜虾、带子、油甘鱼不停无限loop 。海鲜海鲜有热荤/冷盘。冷盘有开边蓝龙虾、矶煮鲍鱼、原粒大带子、长脚蟹。蓝龙虾肉质爽口鲜甜弹牙，虾味浓郁啲。矶煮鲍鱼用酱汁煮过，非常入味，口味微甜，肉质有弹性。原粒大带子比刺身更鲜甜。唯一失败系长脚蟹，肉质好霉味道偏咸。热荤海鲜有粉丝蒜蓉蒸扇贝、中式龙虾、香芒汁大虾、香煎鱼柳。味道一般，口味偏咸，龙虾特别咸，好明显大厨唔
作为级又历史悠久嘅酒店，佢嘅Buffet 一直被受追捧。究竟佢系咪真系传闻中咁高质、咁神级、咁好食呢？🤔等我嚟探讨吓。
首先系环境方面绝对满分！非常适合各大KOL 自拍/影相。餐椅好似单人梳化咁舒服，坐住都唔想郁。枱与枱之间有好大空间，倾计唔怕俾人听到，又唔怕出入会撞到人。
服务方面每个area 都有专属嘅侍应负责，空碟收得快，方便去攞下一轮。勤快又贴心。
重点嚟喇！
自助餐食物区比想像中细，款式较少，主要系海鲜、甜品为主，肉食相对较少。
刺身绝对新鲜，肉质鲜嫰，同高级日本料理店无异。三文鱼、吞拿鱼、甜虾、带子、油甘鱼不停无限loop 。
海鲜海鲜有热荤/冷盘。
冷盘有开边蓝龙虾、矶煮鲍鱼、原粒大带子、长脚蟹。蓝龙虾肉质爽口鲜甜弹牙，虾味浓郁啲。矶煮鲍鱼用酱汁煮过，非常入味，口味微甜，肉质有弹性。原粒大带子比刺身更鲜甜。唯一失败系长脚蟹，肉质好霉味道偏咸。
热荤海鲜有粉丝蒜蓉蒸扇贝、中式龙虾、香芒汁大虾、香煎鱼柳。味道一般，口味偏咸，龙虾特别咸，好明显大厨唔擅长中国菜，更唔擅长煮海鲜。同场每人有一件鳕鱼多士，鳕鱼打碎再重组，新奇美味。
咖哩有齐青咖哩、红咖哩、黄咖哩。青咖哩海鲜，辣味十足，带子大大粒好入味。红咖哩鸡，鸡肉大大嚿，overcooked 咗少少。但因为系鸡脾肉，所以唔会好柴，红咖哩好香，但唔算好辣。黄咖哩杂菜，味道浓郁，配冇乜味嘅杂菜就啱啱好喇！
肉食烧牛肉肉味超浓，烧猪肋骨酱汁香甜，最场最佳。羊架卖相佳，但真系太饱食唔落
汤是日餐汤有两款，分别系粟米浓汤，洋葱汤。如果有一款改为中式炖汤就好喇！
甜品有各式蛋糕、果挞、慕司杯、手做朱古力、布甸，真系眼花缭乱，眼阔肚窄 。每款水准都好好，推介有拿破仑蛋糕、朱古力蛋糕布甸、冧酒蛋糕慕司，前者香脆，中间朱古力味大爆发，后者酒香四溢。而每位客人都有一客驰名疏乎厘，疏乎厘口感松软，但味道偏甜，个人唔系太喜欢。
以自助餐嚟讲，今次系我第一次可以食齐所有嘢食。质量好但款式唔多，想食多国菜或者唔嗜海鲜嘅话，你可能会失望而回。专攻龙虾、鲍鱼、刺身，除非你食量惊人，否则亦难以翻本喇！😅 性价比唔高，有一半系食环境＋服务。但人生嚟一次半岛食buffet 足矣！👍🏻
张贴
