阿爺八鮮鍋

营业中

休息中

今日去到尖沙咀附近等朋友安排既生日饭、佢一向都会满足到我嘅口味，包括无限海鲜、龙虾、鲍鱼等等，仲有刺身！仲同我讲有任食打边炉两小时任食！真系好开心好惊喜未食过一间都几有质素嘅鸡煲任食火锅！首先佢哋会准备金壶入面嘅汤、呢个汤除咗养生养颜之外，味道仍非常清甜！打边炉之前饮汤滋润下个喉咙都系一个几唔错嘅决定！之后朋友就帮我嗌咗个唔辣嘅鸡煲、因为大家都唔食得辣嘅关系，今次叫咗一个野菌炒鸡煲！除咗开心之外、估唔到都几惊喜野菌炒通常个味道冇咁出众！但系呢间竟然唔需要有辣味都可以好惹味！都几值得推介俾啲食唔到辣嘅人去食嘅鸡煲！建议留返个肚去食其他打边炉嘅配料！鸡煲份量真系唔需要食太多㗎！火锅配料除咗有特色之外，有好多选择出面都未必有！例如牛骨髓、鱼卜、原只肉蟹、原只海鲜贝、仲有美国珍珠蚝！海鲜种类已经多箩箩！仲有个刺身拼盘有大大只嘅牡丹虾，仲有赤背、海蜇同埋希灵鱼刺身！味道鲜甜又饱满！重点系非常新鲜！刺身拼盘摆设亦都好靓！当然海鲜拼盘除咗有原只肉蟹之外、仲有佢哋嘅王牌龙虾、龙虾真系要赞一赞啖啖都系肉，再加上打边炉嘅龙虾通常比较难控制到个肉质嘅口感！但系佢竟然可以滚耐咗都觉得啲肉好弹滑！真系值得一赞！