影片
更多
2023-03-12
721 浏览
早几日去左诸胜堂食午餐。呢到装修有啲怀旧，虽然算系港式茶餐厅，但感觉有啲日本风，店内会播放日系轻音乐，坐得都算舒适，店员亦十分有礼貌。餐牌菜式充满港式风味，但又有啲唔同，多左一啲特色餐，每日仲会有唔同既特餐。我拣左自家制海鲜XO酱肉眼猪扒饭，睇个名够哂高级而且有特色。猪扒饭黎到既时候我眼前一亮，同一般茶餐厅碟头饭好唔同，饭同猪扒既摆位靓，仲有啲沙律菜做点缀，重点系好好食！我一直觉得猪肉好难煮得好食，尤其系猪扒呢类，但呢到既猪扒系好松软juicy，配自家制海鲜XO酱，辣辣地，又够香，真系食得好开胃，送饭一流！呢到既白饭都煮得岩岩好，粒粒分明。我另外仲叫左杯鲜姜汁奶茶，味道好特别，钟意姜味饮品既你真系要一试！总括黎讲，系好有特色既港式餐厅，价钱亲民，味道高质，难怪平时咁多人帮衬！
早几日去左诸胜堂食午餐。
呢到装修有啲怀旧，虽然算系港式茶餐厅，但感觉有啲日本风，店内会播放日系轻音乐，坐得都算舒适，店员亦十分有礼貌。
餐牌菜式充满港式风味，但又有啲唔同，多左一啲特色餐，每日仲会有唔同既特餐。我拣左自家制海鲜XO酱肉眼猪扒饭，睇个名够哂高级而且有特色。
猪扒饭黎到既时候我眼前一亮，同一般茶餐厅碟头饭好唔同，饭同猪扒既摆位靓，仲有啲沙律菜做点缀，重点系好好食！我一直觉得猪肉好难煮得好食，尤其系猪扒呢类，但呢到既猪扒系好松软juicy，配自家制海鲜XO酱，辣辣地，又够香，真系食得好开胃，送饭一流！呢到既白饭都煮得岩岩好，粒粒分明。
我另外仲叫左杯鲜姜汁奶茶，味道好特别，钟意姜味饮品既你真系要一试！总括黎讲，系好有特色既港式餐厅，价钱亲民，味道高质，难怪平时咁多人帮衬！
张贴
