影片
更多
2021-04-02
1745 浏览
打边炉成日都打, 但好多时千篇一律无咩惊喜, 环境又嘈又多人. 今日本身约咗frd去厚福街食嘢, 但睇嚟睇去都无咩心水, 好多间都无得坐低慢慢食同倾计. 最后喺隔离街见到呢间楼上火锅仲做埋刺身同丼饭咁劲, 就上咗去试.我哋拣咗非常阔落嘅卡位坐, 感觉上比圆枱可以摆到更多嘢食. 呢度冷气够哂大,我最怕打边炉热辣辣空气唔流通搞到我流哂汗🙄而且呢度无论凳, menu同纸巾都系黄色架, 连墙上面嘅每一粒字都系, 有种番屋企食饭嘅感觉💛 Menu入面大部分嘢食睇落都好吸引, 我哋无嚟过, 隔离枱啲嘢食又未嚟, 所以唔知每样嘢嘅份量, 叫咗好多🤦🏻♂️ 但好在每样嘢都ok, 我谂要嚟多最少两次先可以试哂我哋想试嘅野🦑冰火鱿鱼呢个前菜嘅idea系嚟自街头小食, 改良咗之后变咗做冷盘小食. 鱿鱼切成网状, 每一块食落都爽口弹牙同埋几大块. 加埋秘制辣椒酱同芝麻一齐食真系食到停唔到口, 未开始打边炉已经饱左两成😖🍣丰洲直送刺身+南澳龙虾刺身一餐圆满嘅边炉又点可以唔嗌刺身🤨见到隔离大大盘象拔蚌, 我哋就叫咗几款丰洲直送嘅白身鱼再加南澳龙虾刺身. 摆盘好靓, 金目鲷, 油甘鱼同龙虾都好鲜甜. 金目鲷比想像中
我哋拣咗非常阔落嘅卡位坐, 感觉上比圆枱可以摆到更多嘢食. 呢度冷气够哂大,我最怕打边炉热辣辣空气唔流通搞到我流哂汗🙄而且呢度无论凳, menu同纸巾都系黄色架, 连墙上面嘅每一粒字都系, 有种番屋企食饭嘅感觉💛 Menu入面大部分嘢食睇落都好吸引, 我哋无嚟过, 隔离枱啲嘢食又未嚟, 所以唔知每样嘢嘅份量, 叫咗好多🤦🏻♂️ 但好在每样嘢都ok, 我谂要嚟多最少两次先可以试哂我哋想试嘅野
🦑冰火鱿鱼
呢个前菜嘅idea系嚟自街头小食, 改良咗之后变咗做冷盘小食. 鱿鱼切成网状, 每一块食落都爽口弹牙同埋几大块. 加埋秘制辣椒酱同芝麻一齐食真系食到停唔到口, 未开始打边炉已经饱左两成😖
冰火鱿鱼
$99
10 浏览
0 赞好
0 留言
🍣丰洲直送刺身+南澳龙虾刺身
一餐圆满嘅边炉又点可以唔嗌刺身🤨见到隔离大大盘象拔蚌, 我哋就叫咗几款丰洲直送嘅白身鱼再加南澳龙虾刺身. 摆盘好靓, 金目鲷, 油甘鱼同龙虾都好鲜甜. 金目鲷比想像中好食, 啲皮好似火炙过嚟. 龙虾份量好多, 食极都仲有, 好抵食☺️ 食完之后, 个龙虾头仲可以俾店员切件再放落锅度渌埋嚟食🙃
丰州直送刺身+龙虾刺身
$799
13 浏览
0 赞好
0 留言
🥘汤底: 秘制麻辣锅 + 野菌黑松露汤锅
有成十几款汤底拣, 最后拣咗呢两款. 麻辣锅辣度适中唔会刺鼻, 就算用响铃嚟挂汁都可以一啖食哂. < 乱入: 好多时啲响铃浸落汤度三几秒就冧哂, 但呢度𠮶啲浸多几秒都仲好挺身同脆脆哋. 配麻辣汤底不得了🙃 > 个野菌黑松露汤无麻辣锅咁抢味, 但真系预咗俾你当汤咁饮, 啖啖都系黑松露, 连refill个樽底都有厚厚嘅一层黑松露, 要搅匀先倒到啲精华出嚟🙃
秘制麻辣锅 + 野菌黑松露汤锅
$159
9 浏览
0 赞好
0 留言
野菌黑松露汤锅
$129
19 浏览
0 赞好
0 留言
🥩顶级新鲜手切本地肥牛(大)
Layout唔错, 每一块肥牛都好大块, 厚切同埋颜色红润. 牛肉同油花嘅比例算适中. 好耐无试过浸落汤度要等一阵先熟. 食落肉味算浓同唔靭, 点埋麻酱同炸蒜一齐食好夹🙃
顶级新鲜手切本地肥牛 (大)
$339
8 浏览
0 赞好
0 留言
🥟自家制黑松露带子汤包/ 自家制蟹皇包
呢度有几款特色自家制饺子, 拣多样都系加十蚊, 又大大粒咁,梗系试多样啦. 个黑松露汤包好重黑松露味就唔使多讲啦, 每个包入面仲有半粒带子, 渌落黑松露汤底度淋埋啲黑松露系上面一齐食直头系双重享受😋 不过个人觉得蟹皇包仲正. 皮薄, 入面全部都系蟹膏蟹肉再加切左粒嘅菇, 真材实料,食到停唔到口. 两款包个样实在太似, 所以蟹皇包下面系加咗片红萝卜嚟做记认, 咁我哋先至可以梅花间竹咁试😌
自家制黑松露带子汤包 / 自家制蟹皇包
$119
9 浏览
0 赞好
0 留言
🐽猪八戒拼盘
摆位好靓而且份量好多, 三至四个frd打边炉/ 钟意食猪嘅朋友嗌呢个就啱嘞. 拼盘有本地黑毛猪, 猪颈肉, 粉肠, 猪肺同猪肚. 猪颈肉系厚切同埋砌成花朵形状, 几特别. 个人认为黑毛猪同猪肚最好味. 猪肚好冧, 同麻辣汤底好match🙃
猪八戒拼盘
$289
16 浏览
0 赞好
0 留言
🍤自家制鲜虾莲藕爽
两块莲藕中间夹咗虾胶, 配麻辣汤底口味更佳. 虾胶好入味. 如果莲藕再薄切少少会更好🙃
自家制鲜虾莲藕爽
$89
10 浏览
0 赞好
0 留言
总结: 好彩最后过咗嚟食🍻呢度嘅汤底, 肉类同刺身都睇得食得, 重量但系又重质, 而且可以慢慢坐, 无压迫感. 下次要约多两个人晏昼嚟食, 试埋佢啲刺身丼饭同埋日本雪糕先得🙆🏻♂️
张贴
